Kanadada yirik yong‘in oqibatida 3 kishi halok bo‘ldi

Kanadaning Ontario
provinsiyasidagi Gamilton shahrida
yuz bergan yirik yong‘in oqibatida
uch kishi halok bo‘ldi, yana yetti
nafari jarohat oldi. Bu haqda, CTV
telekanaliga tayanib, “TASS” xabar
bermoqda.

Qayd etilishicha, yong‘in shahar
shimolidagi turar-joylardan birida
chiqdi va alanga tezlik bilan qo‘shni
uyga o‘tdi. Birinchi uyda 11 kishi
bor edi, shulardan uch nafari halok
bo‘ldi, yetti nafari shifoxonaga
yotqizildi. Ikkinchi uyda hech kim
yo‘q edi.

Halok bo‘lganlarning shaxsi haqida
hozircha ma’lumot berilmadi.
Mutaxassislar yong‘in chiqishining
sabablarini o‘rganmoqda.

Gamilton Kanadaning eng yirik
megapolisi – Torontodan 70
kilometr janubi-g‘arbda joylashgan.