Florida janubida timsoh ayolning qo‘lini tishlab oldi

Florida shtati (AQSh) janubidagi
Evergleyds Milliy bog‘ida timsoh
ayolga tashlanib, uning qo‘lini
deyarli yulib oldi. Bu haqda Brovard
okrugi politsiya boshqarmasi
ma’lum qildi, deya xabar bermoqda
“TASS”.
Hodisa faqat motorli qayiq yoki
vertolyotda borish mumkin bo‘lgan
botqoqlik hududida baliqchilar
lagerida yuz bergan. Jabrlangan 49
yoshli Kimberli Enn Sekston
Floridaning markaziy qismida
istiqomat qilgan.
Ayol ko‘prikchada turganida
bankasini suvga tushirib yuborgan,
uni olishga uringanida esa unga
timsoh tashlangan.
Okrug politsiyasi vakili Maykl
Jashlening ma’lum qilishicha,
ayolga yordam berish uchun
shoshilgan sakkiz kishi hodisaning
guvohi bo‘lgan. Ayol og‘ir jarohat
olgan, shifokorlar uning o‘ng qo‘lini
kesib tashlashga majbur bo‘lgan.
Jabrlangan ayol vertolyotda
shifoxonaga yetkazilgan. Uning
ahvoli og‘ir ekanligi qayd etilgan.