Dubay – Filippin reysida dunyoga kelgan go‘dakka umrbod bepul parvozlar sovg‘a qilindi

Cebu Pacific Air
aviakompaniyasining Dubaydan
Filippinga uchayotgan samolyoti
ichida kutilmaganda go‘dak
dunyoga keldi. Ushbu munosabat
bilan avikompaniya unga umrbod
bepul parvozlarni sovg‘a qildi. Bu
haqda UAE Inside xabariga asoslanib
“Daryo” nashri ma’lumot
bermoqda.

“Dubaydan Filippinga uchayotgan
samolyotda homilador ayolni
to‘lg‘oq tutdi. U oktabr oyida
farzandini dunyoga keltirishi kerak
edi, shu sababli, bu kutilmagan
holat bo‘ldi”, – deya yozdi mazkur
reys yo‘lovchilaridan biri
Instagram’dagi sahifasiga.

Umrbod bepul chiptalar haqidagi
xabar ijtimoiy tarmoqlarda tez
tarqalib ketdi. Yuqoridagi
xabarning o‘zini ikki kunda 3500
foydalanuvchi ulashdi.

Dunyoga kelgan go‘dakni tajribali
shifokorlar o‘z nazoratiga olishi
uchun samolyot favqulodda
Hindistonga qo‘ndi. Aviakompaniya
esa o‘z navbatida samolyot bortida
dunyoga kelgan go‘dakka umrbod
bepul chiptalarni hadya qildi.