Россияда давлат думасига сайловларда сайловчиларнинг 47,55 фоизи иштирок этди

Россияда давлат думасига сайловларда сайлов участкалари комиссиялари баённомаларининг 50 фоизи ишлангандан олинган натижаларга кўра, 47,55 фоиз сайловчилар иштирок этгани маълум бўлди. Овоз бериш натижалари Россия марказий сайлов комиссияси ахборот таблосида бериб борилмоқда.
2011 йилдаги сайловларда сайловчиларнинг иштирок этиши 60,21 фоизни ташкил қилиб, 65 млн 774 минг 462 киши овоз беришда иштирок этган.
Давлат думасига сайловлар аралаш тизим бўйича ўтказилди: 225 депутат партия рўйхатлари бўйича, 225 депутат эса бир мандатли округлар бўйича сайланди. Сайловларда ҳамммаси бўлиб 103 минг номзод иштирок этган.