Belgiya malikasi to‘pponchadan o‘q uzib, bosh vazirni kar qildi

Belgiya bosh vaziri Sharl Mishel marafonga start berilishi chog‘ida eshitish qobiliyatiga shikast yetgani uchun 30-mayga rejalashtirilgan parlamentdagi nutqini qoldirishga majbur bo‘ldi. Bu haqda Le Soir gazetasi xabar bermoqda.
Hodisa 29-may, dushanba kuni yuz berdi. Mishel malika Astridning yonida turgandi, u esa poygani boshlash uchun to‘pponcha orqali signal berdi. Chop etilgan suratlarda to‘pponchadan otilgan o‘q ishtirokchilar uchun, shu jumladan, Mishel hamda Bryussel meri Ivan Mayor uchun ham ko‘ngilsiz kutilmagan voqea bo‘lganini ko‘rish mumkin.

Endi bosh vazir 48 soatli davolanish kursidan o‘tishi kerak.