Andaman dengizida Myanma harbiy-havo kuchlarining qulagan samolyoti 29 yo‘lovchisi jasadi topildi

Myanma qurolli kuchlarining Y-8 harbiy-
transport samolyoti 29 nafar yo‘lovchisi
jasadlari Andaman dengizidagi qidiruv-qutqaruv
operatsiyasi vaqtida topildi. Bu haqda “TASS”
xabar bermoqda .
Asosiy qidiruv ishlari Tavoy shahridan janubi-
g‘arbda, qirg‘oqdan taxminan 30 kilometr
masofada olib borilmoqda. Qidiruv ishlariga
Myanma harbiy-dengiz kuchlari kemalari,
aviatsiya va mahalliy baliqchilar jalb etilgan.
Hozircha samolyotning omon qolgan birorta
yo‘lovchisi topilgani yo‘q. Armiya
qo‘mondonligi bayonotiga ko‘ra, qidiruv-
qutqaruv operatsiyasi davom etadi.
Samolyot bortida 108 kishi — harbiylar va
ularning oila a’zolari bo‘lgan. Yo‘lovchilarning
70 nafari tinch aholi vakillari bo‘lib, ularning 15
nafari bolalar edi. Ekipaj 14 kishidan iborat
bo‘lgan.
Y-8 samolyoti 7-iyun kuni mamlakat janubidagi
Tanintayi viloyatidagi Myey shahridan havoga
ko‘tarilib, Yangon tomon parvoz qilayotgan edi.
Samolyot bo‘laklari dengizdan topilgan.