Malidagi sayyohlik majmuasiga hujum qilgan jangarilar yo‘q qilindi

Mali poytaxti Bamako yaqinidagi sayyohlik
majmuasiga hujum qilgan to‘rt jangari maxsus
operatsiyalar chog‘ida xavfsizlik xizmatlari
tomonidan yo‘q qilindi. Bu haqda AFP
xavfsizlik va fuqarolar mudofaasi vazirligiga
tayanib xabar berdi, deb yozadi “TASS”.
“Bizda ikki nafar o‘ldirilgan jangarilarning
jasadlari bor, yana ikki jasadni harbiylarimiz
qidirmoqda”, — dedi xavfsizlik va fuqarolar
mudofaasi vaziri Salif Traore.
Uning so‘zlariga ko‘ra, maxsus operatsiyalar
natijasida jami 36 asir ozod qilingan, ularning
16 nafari fransuz, qolganlari maliliklar.
18-iyun, yakshanba kuni ertalab qurolli guruh
Bamako aeroporti yaqinidagi Dugurakoro
qishlog‘ida joylashgan Kangaba lageri deb
nomlanuvchi sayyohlik majmuasiga hujum
qilgan edi.