АҚШ қуроллари билан Украина Россиянинг кўплаб ҳудудларига зарба бериши мумкин, бунга АҚШ руҳсат берган

Politico нашри АҚШ Давлат департаментига таяниб, АҚШ Украинага Россия ичкарисида "ҳар қандай жойда" зарба бериш учун рухсат берилган ҳудуд географиясини кенгайтирганини хабар қилмоқда. Илгари фақатгина Харьков вилояти яқинида рухсат этилган эди. Нашрнинг хабар беришича, Америка расмийлари бу сиёсат энди географик жиҳатдан чекланмаганини айтишган.

"Гап жойлашувда эмас. Гап мантиқда. Агар Россия Федерацияси ўз ҳудудидан Украинага ҳужум қилса ёки ҳужум қилишга тайёрланса, Украинанинг чегара ортидан унга ҳужум қилаётган кучларга жавобан зарба беришига рухсат бериш мантиқан тўғри", - деб айтган миллий хавфсизлик бўйича маслаҳатчи Жейк Салливан.