Москва ва Санкт-Петербург ўртасидаги масофа янада қисқармоқда

“Россия темир йўллари” матбуот хизматининг хабар беришича, 2017 йилнинг 1 июнидан бошлаб "Сапсан" поездлари беш дақиқага янада тезроқ бўлади. "2017 йилнинг 1 июнидан Москва ва Санкт-Петербург ўртасида қатновчи юқори тезликдаги "Сапсан" поездлари ҳаракат жадвали қисман ўзгаради. Янги жадвалга кўра "Сапсан" поездлари беш дақиқага тезроқ ҳаракатлана бошлайди", - дейилади хабарда. "Сапсан" поездларининг ҳаракатланиш давомидаги минимал вақти 3 соату 35 дақиқани ташкил этади. Шу билан бирга, вақт поездлар таркиби ва бекатларга боғлиқ, дейилади хабарда.