Chexiyalik olimlar real vaqt rejimida chehrani istalgan rasmga o‘xshatib, jonlantira oladigan algoritmni yaratdi

Chexiyalik olimlar real vaqt rejimida chehra tuzilishini istalgan rasmga o‘xshatib, jonlantira oladigan algoritmni yaratdi, deb yozadi The Verge. Algoritm sun’iy intellekt orqali harakatga keltiriladi.
Ishlash tamoyili Prisma kabi dasturlarnikiga o‘xshash, ammo o‘xshatish uchun foydalanuvchi yuklaydigan har qanday kartinka qo‘llanilishi mumkin. Algoritm odam gapirishni boshlagan vaqtda ishlashga kirishib, uning mimikasini tahlil qiladi.
Loyiha Pragadagi Chexiya texnika universiteti mutaxassislari tomonidan tayyorlandi. Olingan natijani ular videoda ko‘rsatib berdi.