Dunyoning eng innovatsion kompaniyalari reytingida birinchilikni NVIDIA qo‘lga kiritdi

Dunyoning eng innovatsion kompaniyalari
reytingi MIT Technology Review’ni ilk bor
birinchilikni grafik tezlashtirgich, protsessor
hamda chipset ishlab chiqaruvchi Amerikaning
NVIDIA kompaniyasi egalladi, deb xabar berdi
“Kommersant”.
NVIDIA reytingdan 2015-yildan beri joy olib
keladi, joriy yilda esa u birdaniga 11 pog‘ona
ko‘tarilib birinchilikni egalladi. MIT
Technology’ning ta’kidlashicha, o‘tgan
moliyaviy chorak davomida kompaniyaning
ma’lumotlarni qayta ishlash markazi hamda
avtomobil biznesidagi daromadi 186 foizga
(mos ravishda 24 foizga) ortgan. Shuningdek,
kompaniya 3 milliard dollarni yettinchi avlod
yangi grafik chipini yaratishga sarfladi.
Reytingda ikkinchi pog‘onani SpaceX
kompaniyasi egalladi. Uchlikka joriy yilda ikkita
pog‘ona pastlagan Amazon kompaniyasi yakun
yasadi.
Reytingdan to‘rtinchi o‘rinni Alsgeymer,
Parkinson va yana sakkizta kasalliklarning
xavfi borasidagi genetik hisobotini sotishga
ruxsat bergan 23andMe xususiy biotexnik
kompaniyasi egalladi. Ro‘yxatning o‘rtasidan
inson aqliga taqlid va tezroq o‘rganishni
ta’minlovchi tizimning yangi imkoniyatlarini
ishlab chiqarish bilan shug‘ullanayotgan
Alphabet kompaniyasi joy oldi.
Dunyoning eng qimmat korparatsiyasi Apple
16-o‘rinni band etdi. Kompaniya HomePad
yordamida Amazon’ga yetib olishga harakat
qilmoqda. Facebook esa 23-o‘rinni, Microsoft
27-o‘rinni, Tesla 31-o‘rinni egalladi.
Adidas firmasi birinchi bor reytingga kirib, 38-
pog‘onadan joy oldi.