Хитойда дунёдаги энг катта аэропорт очилди

Хитойда дунёдаги энг катта Дасин халқаро аэропортининг тантанали очилиш маросими бўлиб ўтди. Бу ҳақда Еuronews.com нашри хабар берди.
Мазкур аэропорт қурилишига умумий миқдорда салкам 12 миллиард АҚШ доллари миқдорида инвестиция жалб этилди. Бу Хитой фуқаро авиацияси тарихидаги энг қиммат лойиҳадир. Дасин Пекин марказий қисмидан 46 км жанубда жойлашган. Аэропорт 2021 йилга келиб йилига 45 млн, 2025 йилда эса 72 млн, 2040 йилга келиб эса 100 млн йўловчига хизмат кўрсатиши кутилмоқда. Тўртта учиш-қўниш йўлагига эга аэропорт қурилишига беш йилга яқин вақт сарфланди.