Луврда радикал экофаоллар «Мона Лиза»га шўрва сепишди

Катта эҳтимол билан санъат асарига зарар етмаган. У бунга қадар ҳам бир неча марта «суиқасд»ни бошдан кечирганди.

Парижда намойишчилар «Мона Лиза» картинасига шўрва сепиб юборишди. Усти ўқ ўтказмайдиган шиша билан қоплангани туфайли картинага зарар етгани даргумон.

Кузатув камерасида олинган видеода икки намойишчи «соғлом озиқ-овқат ҳуқуқи» талаб қилаётганини кўриш мумкин.

«Нима муҳимроқ? Санъатми ёки соғлом ва экологик тоза овқатланиш ҳуқуқими? Бизнинг қишлоқ хўжалиги тизимимиз касал!» — дея бақиришган улар.

Сўнгги кунларда Франция пойтахтида фермерларнинг норозилик намойишлари бўлиб ўтмоқда. Жума куни намойишчилар Парижга олиб борувчи асосий йўлларни тўсиб қўйишган.

Намойишчилар ёнилғи нархи ошиши, Украинадан ғалла импорти, шунингдек қишлоқ хўжалигидаги бюрократик тартибларнинг қийинчиликларидан норози бўлишмоқда.

«Мона Лиза» мунтазам равишда вандализм ҳаракатларига дучор бўлади. Ҳозиргиси — 1956 йилдан буён олтинчиси