ЖАМИЛА ҒОФУРОВА: “АЛДАНГАН АЁЛ” ФИЛЬМИДА БОШ РОЛНИ МЕНГА БЕРИШМАГАН

Актриса Жамила Ғофурова бугунги ўзбек киноси ҳақидаги фикрлари, қизининг қизиқишлари, хусусий ва давлат киноларининг фарқи ҳақида “Ҳордиқ” газетасига берган интервьюсида гапириб ўтди.

Хусусан, актриса “Алданган аёл” фильмида бош ролни ижро этиш истаги бўлганини ҳам яширмади:

—Ҳилол акага “Мана шу ролни менга беринг”, деб илтимос қилганман. Ҳеч қайси режиссёрдан шу пайтгача роль сўрамаганман. Лекин мана шу аёл образини гавдалантиргим келган. Чунки унда ҳамма нарса мужассам эди. Дард, алам, ғам, ташвиш, бахт, бахтсизлик... Исталган актриса ўйнашни хоҳлайдиган роль эди у. Аммо, сценарий ёзилаётган вақтдаёқ бош қаҳрамон ролида Райҳон Уласеновани кўришган ва бу унга насиб этди.